Бөтә яңылыҡтар
Йәмғиәт
28 Ноябрь 2019, 12:50

Земфира Байбулдина ни өсөн бейеүсе булмаған?

Ауыл сәхнәһендә бер ҡыҙ бейей. Бер һирпелеп ҡарауға йөҙөнән бөркөлгән нуры менән тамашасыларҙы әсир иткән ҡыҙҙы киләсәктә шөһрәтле бейеүсе булыр тип уйлайҙар. Артабан университетта, сәнғәт институтында ла уның сәхнә тултырып бейеүенә барыһы һоҡлана, гөрләтеп ҡул саба. Әммә бер аҙҙан ҡыҙ бейеүҙән туҡтай. Сәбәбе нимәлә һуң?

"Һеңлем бәләкәй булғанғамы, студент йылдарында ауыл һәр ваҡыт үҙенә тартты, – ти был хаҡта сәхнә йондоҙо Земфира Байбулдина. – Туҡһанынсы йылдар башы, аҡсаһыҙлыҡ, гел юлайҡан йөрөнөм. Ике аҙна һайын аэропорт янындағы юл сатына сығып китә инем. Һалҡын ҡышта юлда аяғыма һыуыҡ тейҙерҙем. Ҡайҙа инде бейеү?! Ултырған урынымдан ҡуҙғала алмаҫлыҡ хәлдә инем. Ауылдағы фельдшер көнөнә өсәр укол ҡаҙап, мине аяҡҡа баҫтырҙы. Сәләмәтлегем ҡаҡшағас, башҡаса бейеүгә йөрөмәй башланым".
Фото артистың "Бәйләнештә" төркөмөнән алынды.https://bash.rbsmi.ru/articles/y-m-i-t/Zemfira-Baybuldina-ni-s-n-beye-se-bulma-an-19969/
Читайте нас в