Өс ир төрмәгә ултырырмы?

26 ноябрҙә, ниһайәт, Өфөнөң Киров районы судында элекке өс полицейскийҙың Эске эштәр министрлығы тәүтикшереүсеһен күмәкләп мәсхәрәләү осрағы буйынса тикшереү эше тамамланды. Тимәк, оҙаҡламай ике яҡ та фекер алышҡандан һәм ғәйепләнеүселәргә һуңғы һүҙ бирелгәндән һуң, хөкөм ҡарары иғлан ителәсәк. Тотош илде йылдан ашыу көсөргәнештә тотҡан хәлгә нөктә ҡуйыласаҡ, хөкөм ҡарарының ғәҙел буласағына өмөт итәйек.

Был ваҡиға былтыр 30 октябргә ҡаршы төндә миграция мәсьәләләре буйынса бүлек бинаһында булғайны. Ғәйепләнеүселәр эскәмйәһендә элекке полицейскийҙар - Эдуард Матвеев, Салауат Ғәлиев, Павел Яромчук. Судта тикшереү ошо йылдың июль айында башланғайны. https://bash.rbsmi.ru/articles/s-y-s-t-m-kho-u/s-ir-t-rm-g-ultirirmi-19763/