Итек тә туҙмаһын, машина ла бысрамаһын

Башҡортостан Башлығы Радий Хәбиров социаль селтәрҙә юл япмаһына һибелә торған материалдарҙың өс вариантына туҡталып, уларҙың өҫтөнлөгө һәм етешһеҙлеге тураһында әйтте.

"Беренсеһе - ҡом. Ҡалабыҙҙы үҙебеҙ үк йыуылмай торған бысраҡҡа күмәбеҙ. Йәйге елдә уның нисек таралғанын белә тороп. Юл ситендәге үҫемлектәрҙе лә һәләк итәбеҙ. Икенсеһе - тоҙ. Ул да насар йыуыла, йәшеллекте бөтөрә, аяҡ кейемен тиҙ туҙҙыра. Өсөнсө саранан - "Бионард" реагентынан машиналар тиҙ бысрана, тик ул анһат йыуыла һәм боҙлауыҡҡа ҡаршы һөҙөмтәлерәк", - тип яҙҙы етәксе.

Өфөлә "Бионорд" ҡулланыуға өҫтөнлөк биргәндәр, тик уны асфальтҡа боҙлауыҡ хәүефе тыуған осраҡта ғына һибәсәктәр. Башҡа ваҡытта юлды ҡоро ысул менән таҙартасаҡтар. Ҡала халҡының бүтән төрлө фекерҙәрен дә ҡарарға әҙер власть әһелдәре.https://bash.rbsmi.ru/articles/y-m-i-t/Itek-t-tu-ma-in-mashina-la-bisrama-in-19059/