Халыҡты нимә борсой?

Беренсе төркөм инвалиды Хәниф Фәхретдинов һәм уның ҡатыны электр күсергесе булған инвалид коляскаһы бүлеүҙе үтенде. Улар әйтеүенсә, район медицина-социаль экспертиза бюроһында ҡиммәтле коляска менән тәьмин итеү өсөн нигеҙ юҡ тигәндәр.

– Һаулыҡ һаҡлау министры менән һөйләшеп, хәлде асыҡлармын, – тине Радий Фәрит улы. – Министрлыҡ бюджеты сиктәрендә мәсьәләне хәл итеп булмаһа, башҡа юлдарҙы ҡарарбыҙ.

Профессионалдар араһында кикбоксинг буйынса өс тапҡыр донъя чемпионы, Рәсәйҙең халыҡ-ара класлы спорт мастеры Кирилл Москвин спорт залын ҡуртымға алған өсөн бурыстың структураһын үҙгәртеү мәсьәләһен күтәрҙе. Асыҡланыуынса, ҡала бокс клубына бина бүлгән. Спортсылар үҙ көсө менән уны тәртипкә килтергән, ремонт яһаған. Егеттәр әле әүҙем шөғөлләнә. Тик йәйге каникул мәлендә зал буш тора, шуға күрә ҡуртым хаҡын түләүҙә ҡыйынлыҡтар тыуа. Спортсы йыллыҡ ҡуртым хаҡын клуб эшләгән осорға бүлергә тәҡдим итте.

– Мәсьәләне юридик хәл итеү алымы бар икән, йылдам ҡарарға килербеҙ. Ҡала хакимиәте башлығынан был эште үҙ ҡарамағына алыуҙы һорармын. Балаларыбыҙға спорт кәрәк, шуға ла быйыл, мәҫәлән, “Мәктәптәргә – спорт көрәшен” программаһын тормошҡа ашыра башланыҡ. Һеҙгә инеп, күреп сығырға тырышырмын. Изге эш менән шөғөлләнәһегеҙ, – тине төбәк Башлығы.https://bash.rbsmi.ru/articles/y-m-i-t/Hali-ti-nim-borsoy-19812/