Бөтә яңылыҡтар
Йәмғиәт
26 Ноябрь 2019, 11:45

Юғалған Артем Мазовтың иҫәбендә - өс миллион һум?

Ике улы менән бер ай элек юғалған Артем Мазовтың банктағы иҫәбендә тикшереүселәр өс миллион һум аҡса тапҡан. Был тиклем аҡса ҡайҙан килгән һуң?

Күҙалланыуынса, был – ата-әсәһе туйға тиклем үк уға бүләк иткән фатирҙы һатыуҙан килгән табыш. Ирҙең яҡын танышының һүҙҙәренсә, Мушников урамындағы фатирын Мазов йыл ярым элек, яңыһын алырҙан алда һатҡан.Тағы ла ул эш хаҡының бер өлөшөн банкка һалып барған. Нимәгә аҡса йыйғандыр ир – билдәһеҙ. Һәр хәлдә, ҡасыр өсөн түгелдер, сөнки юғалыр алдынан ул ҡабалан, уйламай сығып киткәнгә оҡшаған.
Әлеге мәлдә, боҙ туңған ваҡытта, уларҙы эҙләү туҡтатылып торҙо. Шулай ҙа Башҡортостан буйынса Эске эштәр министрлығы йәмәғәтселектең ярҙамына өмөт итә. Тәртип һаҡсылары ир һәм уның балалары хаҡында ниндәй ҙә булһа файҙалы мәғлүмәт биргән кешегә 500 мең һум аҡса вәғәҙәләй.
Читайте нас в