Бөтә яңылыҡтар
Йәмғиәт
26 Ноябрь 2019, 15:55

Һин кеше урлағанһың!

Был ваҡиға өс йыл элек була. Нефтекама ҡалаһының енәйәтте тикшереү бүлеге начальнигы һәм өлкән оперуполномоченныйы 47 йәшлек ирҙе бүлеккә алып килә һәм уны айфон, кеше урлауҙа ғәйепләнеүен тикшерә башлайҙар. Ирҙе тәүлек буйы бикләп тотоп, көс ҡулланалар, дубинка менән туҡмайҙар.

Республика тәфтиш комитетының матбуғат хеҙмәтенән хәбәр итеүҙәренсә, полиция хеҙмәткәрҙәре үҙҙәренең вазифаһын яуыз ниәттә файҙаланған. Суд-медицина экспертизаһы һөҙөмтәләре ҡаза күреүсенең һаулығына зарар килеүе хаҡында белдерә. Ошо көндәрҙә ике тәртип һаҡсыһына ла хөкөм ҡарары сығарылған – уларҙы өс йыл да өс айға иркенән мәхрүм иткәндәр.
Читайте нас в