10 бала араҡы менән ағыуланған...

"Роспотребнадзор" мәғлүмәттәре буйынса, быйылғы йылдың ғинуар-октябрь айҙарында алкоголле эсемлек эсеп ағыуланыусылар араһында ун бала бар. Иң күбе Стәрлетамаҡ ҡалаһында - унда бындай диагноз менән биш бала дауаханаға эләккән. Иң кесеһенә - 8 йәш, икәүһе - 12, тағы икәүһе 14 йәшлектәр. Ҡалғандары араһында Бөрө ҡалаһынан 8-13 йәшлек ике бала, Нефтекама, Ишембай, Мишкә районынан 13 йәшлек берәр бала "йәшел йылан" менән ағыуланған.

Статистика ҡот осҡос: йыл башынан Башҡортостанда хәмерҙән 151 кеше һәләк булған. Ә былтыр ошо арауыҡта 286 кешене юғалтҡанбыҙ... Быйыл был күрһәткестең кәмеүе күңелде бер аҙ йылыта. Етәкселектең, активистарҙың эскелек менән әүҙем көрәше һөҙөмтәһе был.

pixabay.comhttps://bash.rbsmi.ru/articles/y-m-i-t/10-bala-ara-i-men-n-a-iulan-an-15497/