-4 °С
Болотло
Бөтә яңылыҡтар
Йәмғиәт
19 Ноябрь 2019, 21:50
Рухи аҙыҡ кәрәк халыҡҡа
Билдәле булыуынса, йыл да яҙын һәм ҡышын - апрель - май һәм ноябрь – декабрь айҙарында гәзит-журналдарға яҙылыу кампанияһы иғлан ителә. Әлеге ваҡытта халыҡ заманса юғары тиҙлекле интернет, телевидениеға өҫтөнлөк биреп, ваҡытлы матбуғатҡа яҙылыуҙы аҙаҡҡа ҡалдыра. Уйлап ҡараһаң, бөтә мәғлүмәтте заман технологиялары ярҙамында алып бөтөп булмай. Кешегә барыбер рухи аҙыҡ кәрәк. Бигерәк тә ауылда виртуаль донъянан ситтә булған инәй-бабайҙарыбыҙ, ул ғына ла түгел, йәштәрҙең күбеһе мәғлүмәтте ваҡытлы матбуғаттан ала. Шуға ла күптәрҙә интернет булыуға ҡарамаҫтан, бөгөн беҙ, “Стәрлебаш шишмәләре” район гәзитенең башҡорт дубляжы бүлеге коллективы районыбыҙ халҡын 2020 йылдың беренсе ярты йыллығына “Стәрлебаш шишмәләре” район гәзитенә яҙҙыртыу маҡсатында Күндерәк һәм Табылды ауылдарына юл тоттоҡ.
Шуны әйтергә кәрәк, Күндерәк халҡы район гәзитенә яҙыла, уны яратып уҡый, һәр яңы номерҙы түҙемһеҙләнеп көтөп ала һәм ҡулға тотоу менән башынан аҙағына тиклем ентекләп уҡып сыға. “Мин ғүмерем буйы матбуғатҡа тоғро ҡалдым. Үҙемде белә-белгәндән алып район гәзитен алдырам. Хат ташыусыны көтөп алабыҙ. Әгәр уны килгәс тә уҡымаһам, әллә нимә етмәгән кеүек. Сөнки Башҡортостанда йәшәп тә, үҙ гәзитеңде алдырмаһаң, был һис тә дөрөҫ түгел”, тигән гәзит уҡыусылар ҙа бар. Мәҫәлән, Күндерәк ауылынан Байғужин Азамат, Галаева Мария, Петрова Анна, Рахманғолова Маһинур, Илмәтова Гөлсинә район гәзитен элек-электән алдыра.
Гәзит уҡыу - белемде арттырыу, тигән һүҙ, сөнки баҫманан бик күп мәғлүмәт алып була. Шуныһы үкенесле: бәғзеләр бер баҫмаға ла яҙылмай йәки уның менән ҡыҙыҡһынып бармай.
Беҙҙең баҫмала республика тормошондағы тарихи ваҡиғалар, донъя, төбәк һәм район яңылыҡтары донъя күрә, шулай уҡ заман үҙенсәлектәре дөрөҫ яҡтыртыла. Һуңғы осорҙа гәзиттә яңы рубрикалар ҙа барлыҡҡа килде. Көнүҙәк проблемалар күтәрелә. Шулай уҡ һеҙ үҙ тәҡдимдәрегеҙҙе лә гәзит редакцияһына хат аша яҙып еткерә алаһығыҙ.
Хөрмәтле гәзит уҡыусыларыбыҙ, кешегә рухи аҙыҡ бик кәрәк, шуға күрә бергә булдыҡ һәм бергә ҡалайыҡ. Ә “Стәрлебаш шишмәләре” гәзите коллективы ошо йүнәлештә бар көсөн һала.
Читайте нас:
© 2020-2024 Сайт издания "Стәрлебаш шишмәләре"
Газета зарегистрирована (ПИ №ТУ 02-01461 от 05.10.2015 г.) в Управлении Федеральной службы по надзору в сфере связи, информационных технологий и массовых коммуникаций по Республике Башкортостан.
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Телефон
8 (34739) 22356
Электрон почта
Адресы
453830, Республика Башкортостан, c. Стерлибашево,ул. Карла Маркса, 102.
Реклама хеҙмәте
8 (34739) 22354
Редакция
8 (34739) 22353
Ҡабул итеү бүлмәһе
8 (34739) 22353
Хеҙмәттәшлек
8 (34739) 22378
Кадрҙар бүлеге
8 (34739) 22354