Музейҙар йәшәргә тейеш!

Башҡортостан мәҙәниәт министры урынбаҫары Наталья Лапшина мәҙәниәтте һаҡлауҙа өлөш индергәндәре өсөн йыйылыусыларға рәхмәт әйтеп, музейҙарҙың үҫешергә тейешлеген билдәләне һәм семинарҙа һәр кем үҙенә фәһем аласағына өмөт белдерҙе, республика Хөкүмәте исеменән сәләмләү һүҙҙәре еткерҙе.

Мәскәү ҡунағы - Рәсәй Мәҙәниәт министрлығының Музейҙар департаменты директоры урынбаҫары Наталия Чечель Башҡортостандың музейҙар эшмәкәрлеге буйынса илдә лидерҙар иҫәбенә инеүен дә иҫкә алды.

Семинарҙа музейҙар буйынса күҙәтеү, уларҙың милли проекттарҙа ҡатнашыу мөмкинлектәре, норматив-хоҡуҡ базаһындағы үҙгәрештәр һәм башҡа күп темаларға сығыштар яһалды. Белгестәр музей хеҙмәткәрҙәрен борсоған һорауҙарға яуап бирҙе, оҫталыҡ дәрестәре ойошторолдо, видеофильм күрһәтелде.

Республика баҫмаларынан.