Бөтә яңылыҡтар
Йәмғиәт
30 Октябрь 2019, 16:45

Башҡортостанда йәш дәүләт хеҙмәткәрҙәре форумын йыл һайын үткәрергә тәҡдим ителде

Был турала Республика Хөкүмәте Премьер-министрының беренсе урынбаҫары Андрей Назаров белдерҙе. Өфөлә өс көн дауамында Бөтә Рәсәй йәш дәүләт хеҙмәткәрҙәре форумы уҙҙы. Сараны ябыу көнөндә “Тиңдәштәрсә аралашыу” тигән осрашыу уҙҙы. Андрей Назаров ошондай форум йәштәргә тәжрибә уртаҡлашыу өсөн мөһим тине.

Йәш дәүләт хеҙмәткәрҙәре форумы беренсе тапҡыр ойошторолдо. Унда илдең төрлө төбәктәренән 400-ҙән ашыу егет һәм ҡыҙ ҡатнашты. Йәштәр эштәре буйынса федераль агентлыҡ етәксеһе Александр Бугаев әйтеүенсә, бөгөн йәштәр дәүләт хеҙмәтенә күберәк килә. Шуға улар өсөн ошондай семинарҙар ҙур әһәмиәткә эйә.

Бөтә Рәсәй йәш дәүләт хеҙмәткәрҙәре форумында милли проекттар үтәлеше лә ҡаралды. Сара һөҙөмтәһе булараҡ дәүләт хеҙмәте абруйын күтәреү буйынса программа ҡабул ителде.

Республика яңылыҡтарынан.
Читайте нас в