Йәш артистар оҫталыҡ дәресе үткәреп сәхнәлә уйнау серҙәре менән дә уртаҡлашты. Бынан тыш, уҡыусылар халыҡ театрының «Тиле йәшлек» спектаклен кинотеатр экранында ла ҡарай алды.
«Театраль Волга буйы» конкурсы өс этапта бара. Ижади ярыш тәүҙә Башҡортостан театрҙары араһында үтә, унда 100-ләп коллектив үҙ көсөн һынап ҡарай, әммә федераль этапҡа ике театр ғына үтә, шуларҙың береһе «Ҡорос» халыҡ театры.
Хәҙер инде яҡташтарыбыҙ Башҡортостан данын Волга буйы федераль округы кимәлендә яҡлай. Икенсе этапҡа сыҡҡан «Тиле йәшлек» спектакле буйынса фильм 14 төбәктә күрһәтелә.
Республика яңылыҡтарынан.