Республиканың алты районында сәсеүлектәрҙең һәләк булыуы сәбәпле ғәҙәттән тыш хәл режимы индерелгән

Башҡортостандың Әбйәлил, Баймаҡ, Йылайыр, Көйөргәҙе, Стәрлебаш һәм Хәйбулла райондарында май-июль айҙарында иҫкән ҡыуан ел һәм тупраҡтың ҡоро булыуы һөҙөмтәһендә сәсеүлектәрҙең һәләк булыуы сәбәпле ғәҙәттән тыш хәл режимы индерелгән. Башҡортостан етәксеһе Радий Хәбиров ҡул ҡуйған тейешле бойороҡ Башҡортостан Республикаһының рәсми хоҡуҡи мәғлүмәт интернет-порталында баҫылған.