Стэрлебаш шишмэлере
+10 °С
Болотло
Бөтә яңылыҡтар
Йәмғиәт
14 Август 2019, 20:25
Башҡа мейес яғып йылытмаҫтар
Архангел районының Яңы Шишмә ауылында яҡын арала яңы ФАП асыласаҡ. Был турала районға эш сәфәре барышында Башҡортостан Башлығы вазифаһын ваҡытлыса башҡарыусы Радий Хәбиров белдерҙе.
Был ауылдағы фельдшер-акушерлыҡ пункты 62 йыл элек үк төҙөлгән. Архангел районы хакимиәте башлығы Илшат Әминев белдереүенсә, медицина учреждениеһына бер ҡасан да ремонт яһалмаған, ул ер аҫтына китә башлаған. Элегерәк ФАП менән бер бинала мәктәп тә булған, тик уны япҡандар. Ул мейес яғып йылытыла, тик әллә ни йылытмай икән. Бында 29 йыл эшләгән фельдшер Эльвира Ғәлиева әйтеүенсә, ҡыш көнө бәләкәй балаларҙы һыуыҡтан ауырып китмәһендәр өсөн ул үҙенең өйөндә ҡабул итергә мәжбүр.
Радий Хәбиров әйтеүенсә, быйыл уҡ яңы ФАП бинаһы проектланыррға һәм киләһе йыда ул төҙөлөп бөтөргә тейеш. Ул шулай уҡ райондың медицина кадрҙары менән тәьмин ителеү кимәле менән ҡыҙыҡһынды.
https://bash.rbsmi.ru/articles/sotsial-m-s-l/bash-a-meyes-ya-yp-yylytma-tar/
Читайте нас: