Беҙ берҙәмлек яҡлы, терроризмға - юҡ!

"Быуаттар дауамында һыналған Рәсәй халҡының дуҫлығы" – үҫмерҙәр һәм йәштәр араһында экстремизм, терроризмды иҫкәртеү буйынса түңәрәк өҫтәлдең темаһы шулай аталды. Халыҡтар берҙәмлеге көнө алдынан район биләмә-ара китапханаһында урта мәктәптәрҙең өлкән класс уҡыусылары һәм сараға саҡырылған ҡунаҡтар менән осрашыу булды. Хәҙерге ваҡытта халыҡ-ара мөнәсәбәттәрҙе тотороҡло тип әйтеп булмай. Бының сәбәптәренең береһе - террорсылыҡтың, экстремизмдың һәм милләт-ара низағтарҙың артыуы. Был кире күренештәргә ҡаршы нисек көрәшергә, нисек уларҙың ҡорбаны булмаҫҡа? Күбеһенсә йәштәргә йүнәлтелгән экстремистик пропагандаға нисек ҡаршы торорға?