+21 °С
Облачно
Төрлөһөнән
4 Декабря 2019, 08:20
Автобус янған
2 декабрҙә Салауат ҡалаһы автовокзалы биләмәһендә автобуста янғын сыға. Бәхеткә күрә, пассажирҙар үҙаллы салондан сығып ҡотола.
“Шырпы кеүек күҙ асып йомған арала ҡапыл ҡабынды”, - тип яҙалар социаль селтәрҙәрҙә аяныслы ваҡиғаға шаһит булғандар.
Ҡотҡарыусылар тиҙ арала килеп етеп, янғынды һүндерһә лә, “Ишембай-Салауат” маршруты буйынса йөрөгән ПАЗ автобусы ярайһы зыян күрә.
Янғын сығыу сәбәбен асыҡлау буйынса тикшереү эштәре бара.
