Һөйөнсө! Рәми хаҡында кино буласаҡ!

"Шағир көндәлеге" тип аталған фильм арҙаҡлы шәхесебеҙҙең тормош һәм ижад юлын һүрәтләйәсәк. Рәми Ғариповтың образын Артур Ҡунаҡбаев һынландырасаҡ.

Рәми Ғариповтың ысын-ысындан халыҡ шағиры, күп башҡорт йәштәренең кумиры булып тороуы хаҡында һөйләргә кәрәкмәйҙер. Был кино – һәр милләттәшебеҙгә оло бүләк.

– “Бабич” – трилогия форматындағы проекттың нигеҙе, йәғни беренсе өлөшө, “Беренсе республика” уның дауамы булып торһа, Рәми Ғарипов тураһындағы фильм – был проекттың өсөнсө өлөшө. “Беренсе республика”лағы быуын – төҙөүселәр икән, Ғарипов – улар төҙөгәнде һаҡлаусы. Был фильмға тотоноуымдың тағы бер сәбәбе – ул да булһа, атайым (Булат Йосопов – Башҡортостандың халыҡ шағиры Тимер Йосоповтың улы – автор). Атайым, Рәми Ғариповты яҡын күргән кеше булараҡ, уның вафатын бик ауыр кисерҙе.

Рәми Ғарипов – үҙе артынан әҙәбиәт мәктәбен булдырған, уҡыусылар үҫтергән шәхес. Минең был фильмда уның киләсәк шағиры икәнлегенә лә баҫым яһағым килә, – ти Булат Йосопов был ижади эше хаҡында.

Фото: Instagramhttps://bash.rbsmi.ru/articles/-bi-t-m-m-ni-t/y-ns--R-mi-ha-inda-kino-bulasa-18627/