Бөтә яңылыҡтар
Төрлөһөнән
22 Ноябрь 2019, 21:50

Төбәк Башлығы Радий Хәбировҡа ауылдағы бер инәй нимә тигән?

Кисә, 21 ноябрҙә, Башҡортостан Башлығы Радий Хәбиров Ишембайға эш сәфәре менән барҙы. Юҡ, барманы, ә ҡайтты. Республика етәксеһе тыуған яғындағы хәл-торош менән ҡыҙыҡһынып тора. Был юлы ла байтаҡ объектты ҡараны, халыҡ менән осрашты.

Радий Фәрит улы үҙенең тыуған ауылы Һайранға ла инеп сыҡты. Һуңғы йылда бында ҙур үҙгәрештәр булған. Етәкселектең тамырҙарын онотмай, ауылын хәстәрләүе яҡшы. Башҡалар ҙа шулай итһә, беҙҙә, моғайын, ауылдар гөрләп йәшәр ине.
Башҡортостан Башлығы "Бәйләнештә" селтәрендәге үҙенең шәхси сәхифәһендә былай тип яҙып ҡуйған:
"...сегодня на родине в деревне мне одна бабушка сказала: «Улым, рәхмәт һиңә, республиканы уяттың...». Понимаю, что ещё рано так говорить, очень рано. Но я рад, что у людей есть хотя бы надежда на улучшение качества жизни".
Ысынлап та, кешелә өмөт бар бит. Әлбиттә, халыҡ күрә һәм ышана.
Тик барыһы ла етәксенән генә тормай. Тормошобоҙҙо матурыраҡ итер өсөн үҙебеҙ ҙә тырышайыҡ әле.
https://yeshlek.rbsmi.ru/articles/ya-yly-tar-ta-ma-y-netu/Radiy-H-birov-a-auilda-i-ber-in-y-nim-tig-n-16298/
Читайте нас в