Бөтә яңылыҡтар
Төрлөһөнән
21 Ноябрь 2019, 11:55

Был хәл, ысынлап та, Өфөлә булған...

Социаль селтәрҙә кисәнән бирле, ата-әсәһенә үс итеп, ауыҙында петарда шартлатҡан уҡыусы тураһындағы яңылыҡты тараталар. Ата-әсәнең улы менән уртаҡ һүҙгә килә алмауы, бәхәсләшеүе тормошта була торған хәл, тик үҫмерҙең бындай ҡылығы башҡа һыймаҫлыҡ. Һөҙөмтәлә хирургтар 18 йәшлек егеткә 150-гә яҡын йөй һала.

Интернетта фекер алышыусыларҙың ҡайһы берҙәре бындай фажиғәнең Өфөлә булыуына ышанмай, ғөмүмән, уның Башҡортостанға ҡағылышы юҡ тип бара. “Башинформ” агентлығы ваҡиғаның, ысынлап та, Өфөлә булыуын асыҡлаған. Тик кисә түгел, ә бынан туғыҙ йыл элек булған был күңелһеҙ хәл. Life.ru cайтында был үҫмер менән ни булғанын уҡырға мөмкин. Туғыҙ йыл үтеүгә ҡарамаҫтан, халыҡ һаман да тыныслана алмай, ниндәй генә ҡатмарлы проблема булмаһын, уртаға һалып һөйләшкәндә, таяҡты тотҡан урындан һындырмай аңлашырға тырышҡанда, моғайын, иң яҡын кешеләр бындай ҡайғы-хәсрәткә тарымаҫ ине. Башҡаларға һабаҡ булыр, бәлки...
Читайте нас в