Уттан бер нәмә ҡалмай, ул хатта кешене аямай

Янғынды һүндереү өсөн дүрт кеше һәм ике техника йәлеп ителгән. Фажиғә урынына полиция һәм медицина хеҙмәткәрҙәре килгән. Тәмәке тартҡанда ут менән һаҡһыҙ ҡыланыу фажиғәгә сәбәпсе тип күҙаллана.

7 ноябрь төнөндә шулай уҡ Илеш районының Базытамаҡ ауылындағы бүрәнә йортто ла “ҡыҙыл әтәс” ялмаған. Янғын һүндереүселәр уны тиҙ генә “ауыҙлыҡлаған”, тик бына 1957 йылғы ирҙең ғүмере өҙөлгән. Әле фажиғә сәбәптәре асыҡлана.

Ҡыҙғанысҡа ҡаршы, көндәр һалҡынайыу менән янғындар ҙа йышая. Быға, нигеҙҙә, халыҡтың йылытҡыстарҙы, мейестәрҙе файҙаланғанда һаҡһыҙ ҡыланыуы, өҫтәүенә йылытыу ҡорамалдарының төҙөкһөҙлөгө сәбәпсе. Бынан тыш, спиртлы эсемлектәр эскән килеш тәмәке көйрәтеү, балаларҙың ут менән шаярыуы ла фажиғәгә килтерә. Шуға ут менән һаҡ ҡыланайыҡ. Һыуҙан ҡалһа ла, уттан ҡалмай, тип юҡҡа ғына әйтмәгәндәр бит.