Бөтә яңылыҡтар
Төрлөһөнән
5 Ноябрь 2019, 11:52

Ҡунаҡ бул да талап сыҡ, имеш...

Стәрлетамаҡта төнөн ҡунаҡ булышыу талау менән тамамлана. Был турала 29 йәшлек фатир хужаһы полицияға хәбәр итә.

Зыян күреүсе һөйләүенсә, ул ике танышы менән ҡунаҡ була. Бындай осраҡта, һәр ваҡыттағыса, арыу уҡ һалмыш табындаштар араһында ыҙғыш ҡуба. Тора-бара ул ҡораллы һуғышыуға тиклем барып етә: ҡунаҡтарҙың береһе һикереп тороп бысаҡҡа йәбешә һәм хужанан аҡса таптыра башлай. Уныһы ҡаршылашып маташа, шулай булыуға ҡарамаҫтан, ҡунаҡтар егетте туҡмап, һигеҙ мең һумын талап алып сығып тая.


Полиция һөмһөҙ ҡунаҡтарҙы бик тиҙ тота. Улар элек тә хөкөм ителгән 36 һәм 40 йәшлек әҙәмдәр булып сыға. Ҡылған яман эштәрен таныуҙан башҡа сара ҡалмай талаусыларға – хәҙер уларға ҡарата енәйәт эше ҡуҙғатылған. Башҡортостан гәзитенән.
Читайте нас в