Компьютерға күҙе менән идара итә...

Яҡташыбыҙ, Өфөнән беренсе төркөм инвалиды, 22 йәшлек Александр Захаров арҡа мускулдары атрофияһынан яфалана, ул – тулыһынса дауаланмай торған ҡурҡыныс генетик ауырыуҙарҙың береһе. Егет үҙаллы хәрәкәт итә алмай, уның кәүҙәһе йылдан-йыл деформациялана. Ҡулдары эшләмәһә лә, Александр бер юлы биш компьютерҙа эшләй ала, уларға ул күҙҙәре менән идара итә.

Ауыр диагнозға эйә булһа ла, Сашаның энергия һәм оптимизмына һоҡланырлыҡ, ул тулы ҡанлы тормошта йәшәй, уның дуҫтары күп, һөйгән ҡыҙы бар, ҙур план-хыялдар ҡороп та ҡуйған: ул Американы "яуларға" йыйына!

Уның компьютер мониторының аҫҡы өлөшөндә урынлашҡан бәләкәй генә гаджет күҙҙәр хәрәкәтен күҙәтеп тора һәм экран буйынса курсор хәрәкәт итә. "Мышка"ға баҫҡандағы операция өсөн ул күҙҙәрен йомоп ҡала, хәбәрҙәрҙе үҙ тауышы менән яҙҙыра.

Саша ҡалала йөрөргә ярата, ул такси хеҙмәтенән файҙалана. Әммә бындай хеҙмәт егеткә ҡиммәткә төшә, әлбиттә, айырыуса байрам осоронда 400-500 һумға тиклем барып етә.

Егеткә беҙҙең илдә инвалидтарға булған мөнәсәбәт оҡшап етмәй икән. "Миңә ҡай берәүҙәр кәмһетеп ҡарай. Төркиәлә, мәҫәлән, миңә иғтибар итеүсе лә булманы, Америкала тағы ла яҡшы, хатта шул тарафтарға күсенеп китеү хыялы бар", – ти Александр.

Читайте нас:

Газета зарегистрирована (ПИ №ТУ 02-01461 от 05.10.2015 г.) в Управлении Федеральной службы по надзору в сфере связи, информационных технологий и массовых коммуникаций по Республике Башкортостан.

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Телефон

8 (34739) 22356

Электрон почта

[email protected]

Адресы

453830, Республика Башкортостан, c. Стерлибашево,ул. Карла Маркса, 102.

Реклама хеҙмәте

8 (34739) 22354

Редакция

8 (34739) 22353

Ҡабул итеү бүлмәһе

8 (34739) 22353

Хеҙмәттәшлек

8 (34739) 22378

Кадрҙар бүлеге

8 (34739) 22354