Кем ғәйепле? Экстрасенстар нимә тип яуап биргән?

“Ҡыҙыбыҙҙың ғүмере, тыуған көнөнән һуң бер нисә көн үткәс, фажиғәле өҙөлдө”, тип белдергән улар билдәле телеканалдарҙың береһендә. Ул көндө ҡыҙ быуаға дуҫтары менән ял итергә бара, үҙе руль артында була. Кискәрәк уларҙың компанияһына 30 йәшлек ирҙәр килеп ҡушыла. Ҡыҙға улар оҡшап етмәй һәм ул ҡайтырға ашыға.

Ҡыҙғанысҡа ҡаршы, юлда ул фажиғәгә осрап һәләк була. Ҡыҙ юғары тиҙлектә алдағы машинаны уҙырға уйлай, һәм юлдан сығып оса. Шуныһы: туғандарының һүҙҙәренә ҡарағанда, алдағы машинала тап теге ирҙәрҙең береһе була һәм ул юл бирмәй килә… Әммә фажиғәлә ҡыҙ үҙе ғәйепле тигән һығымта яһала.

Ҡара ҡайғыға батҡан атай-әсәй, дөрөҫлөк эҙләп, экстрасенстарға мөрәжәғәт итә.

Туғандарын иң аптыратҡаны шул була: уларҙың фаразлауы буйынса, ҡыҙ үҙ ғүмерендә дүрт тапҡыр юл фажиғәһенә осраған, һуңғыһы уның өсөн аяныслы тамамланған.

Шулай уҡ аварияның сәбәпсеһе юғары тиҙлек, теге ирҙең ғәйебе юҡ, тигән һығымта сығарған экстрасенстар.