Бөтә яңылыҡтар
Төрлөһөнән
21 Октябрь 2019, 14:54

Ә һарыҡ урынында бала булһа?

Ишембай районының Яңы Әптек ауылында уҫал эттәр үҙҙәрен хужа итеп тоя, ахыры. Улар көпә-көндөҙ ауыл уртаһында малды йыға, йорт хайуандарына тейә икән.

Әле ауыл халҡы уларҙың сираттағы ҡорбаны – һарыҡ кәүҙәһе янында өйөрөлгәнен видеоға төшөрөп интернетҡа һалған. Был аҙнала икенсе һарыҡ үлтерелгән, тиелә унда.

Ошо алты-ете эт бар ауыл халҡын ҡурҡытып тота, тиҙәр. Уларҙың ҡырағаймы, әллә кешеләрҙекеме икәне билдәле түгел. Моғайын, хужаһыҙҙарҙыр.


Ҡатын-ҡыҙ эттәрҙең балаға йәки кешегә тейеүенән ҡурҡа. Тиҙ арала сара күрергә кәрәк, ти улар. Ысынлап, уҫал эттәрҙең кешегә тейгәнен көткәнсе, проблеманы хәл итергә кәрәктер. Һуң булып ҡуймаҫ элек...Башҡортостан гәзитенән.
Читайте нас в