Бөтә яңылыҡтар
Төрлөһөнән
15 Октябрь 2019, 17:25

Водитель уларҙы күрмәгән...

Кисә кис, 14 октябрҙә Һамар – Өфө – Силәбе юлында 49 йәшлек Өфө кешеһе 26 йәшлек Иглин районы кешеһен тапатҡан. Башҡортостан буйынса ЮХХДИ-ның матбуғат хеҙмәтенән хәбәр итеүҙәренсә, йәш ҡатын юлды йәйәүлеләр өсөн тәғәйенләнмәгән урындан үтеп барған. Йәрәхәттәрҙән ул фажиғә урынында һәләк булған.

Ошо уҡ кистә Мәсетле районында ла үлемесле авария теркәлә. 33 йәшлек ир “Лада Гранта” автомобилендә 39 йәшлек велосипедсыны тапата. Ир кеше “Ашығыс ярҙам” табиптары килеп еткәнсе һәләк була.


Күренеүенсә, йәйәүлеләр һәм велосипедсылар тапалған юл-транспорт ваҡиғалары башлыса тәүлектең ҡараңғы осоронда була. Ҡара кейемдәге кешене водитель күреп өлгөрмәй, һөҙөмтәлә ошондай ҡурҡыныс осраҡтар ҡабатланып тора. ЮХХДИ инспекторҙары кейемгә яҡтылыҡты сағылдырған элементтар йәбештерергә тәҡдим итә. Был ябай ғына аҙым күп осраҡта ғүмерҙе һаҡлап ҡала. Башҡортостан гәзитенән.
Читайте нас в