Бушлай массаж тип...

Уларҙың береһе... 90 мең һумлыҡ булып сыға. Пенсионер өйөнә ҡайтҡас ҡына кредит картаһы иҫәбенән ошо сумманы алғандарын аңлай. Улы документтарҙы ныҡлап өйрәнгәс, килешеүҙең тик медицина салоны менән төҙөлгәнен, ә аҡсаның бөтөнләй икенсе иҫәпкә күсерелгәнен асыҡлай.

Әбей белдереүенсә, салон законлы рәүештә эшмәкәрлек алып барғанға оҡшаған. Әлбиттә, ялған, кешене алдап аҡса һуҡҡан медицина салондары баш ҡалала бихисап. Юристар әйтеүенсә, хатта ҡайһы берҙәренең етәкселегенә ҡарата енәйәт эше лә ҡуҙғатылған. Күптәре адрестарын, исемдәрен үҙгәртеп, артабан да кредит килешеүҙәре төҙөүен, халыҡтың аҡсаһын талауын дауам итә икән.

Юристар белдереүенсә, килешеүҙе туҡтатырға мөмкинлек бар икән. Әлеге ваҡиғала пенсионер ошолай эшләргә уйлай һәм аҡсаһын кире ҡайтарыуға өмөт итә. Тик был тиҙ генә хәл ителә торған проблема түгел.

Ниндәйҙер салонға мөрәжәғәт итер, йәки шалтыратыуҙарға иғтибар итер алдынан был ойошмалар тураһында белешергә кәрәк. Һаҡ булығыҙ, һаулығығыҙҙы, нервыларығыҙҙы бөтөрмәгеҙ.

https://bash.rbsmi.ru/articles/y-m-i-t/bushlay-massazh-tip-/