-7 °С
Ҡар
Бөтә яңылыҡтар
Төрлөһөнән
27 Сентябрь 2019, 11:50
ҺАРЫ МАЙ
Һыуытҡыс-туңдырғыстар булмағанда өләсәйҙәр аҡ майҙы иретеп, һары май яһап һаҡлағандар. Бындай май һалҡынса урында бер нисә йыл тора, боҙолмай. Бөгөн был ризыҡ өҫтәлдәрҙә күренмәй тиерлек. Ә бит кибеттәрҙәге сығышы билдәһеҙ булған төрлө майҙарға ҡарағанда уның файҙаһы күберәк! Бауырһаҡ, сәк-сәкте борон һары майҙа бешергәндәр, сейә, бөрлөгән, ҡыҙыл һәм ҡара көртмәле, муйыл менән дә эшләгәндәр. Һары май ҡоймаҡ ҡойоу, картуф ҡурыу өсөн дә уңайлы, ул тиҙ генә янып-төтөнләнеп китмәй.
Һары май һиндтарҙың өҫтәленән төшмәй. Индустар уны “гхи” тип атай һәм ҡояштың ҡайнар көсөн туплаған тип һанай. Боронғо ведаларҙа һары май менән дауаланыу ысулдары ла күрһәтелә.
Май кислоталары, углеводтар, A, D, E, PP витаминдары, антиоксиданттарға, калий, кальций, фосфор, натрий, магний, тимергә бай һары май еңел һәм тиҙ үҙләштерелә. Үҙәк нервы системаһына яҡшы тәьҫир итә, хәтерҙе яҡшырта, фекерләү һәләтен яҡшырта. Һары май аш эшкәртеү ҡеүәтен арттырыу һәләтенә эйә. Самаһын белеп ашағанда, ул холестерин күләмен күтәрмәй, бауырға ла насар тәьҫир итмәй. Зарарлы матдәләрҙең тәьҫиренән һаҡлай, уларҙы организмдан сығарыуға булышлыҡ итә.
Һары май тәнде ыуыу өсөн дә яҡшы сара. Ул тирене йомшарта, зарарлы матдәләрҙән таҙарта. Быуындар һыҙлағанда бер аҙ йылытылған һары майҙы тәнгә ыуырға кәңәш ителә.
Баш өйәнәге яфалаған мәлдә төнгә ҡаршы сикәләрҙе, ҡул һәм аяҡтарҙы һары май менән ыуыу ҙа ярҙам итә. Быны аҙна-ун көн дауам итергә кәрәк.
Көҙөн танау эсе кибеп аптыратһа, саҡ ҡына һары май һөртөү йоғошло ауырыуҙарҙан һаҡланырға булышлыҡ итер.
Республика баҫмаларынан.
Читайте нас:
© 2020-2024 Сайт издания "Стәрлебаш шишмәләре"
Газета зарегистрирована (ПИ №ТУ 02-01461 от 05.10.2015 г.) в Управлении Федеральной службы по надзору в сфере связи, информационных технологий и массовых коммуникаций по Республике Башкортостан.
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Телефон
8 (34739) 22356
Электрон почта
Адресы
453830, Республика Башкортостан, c. Стерлибашево,ул. Карла Маркса, 102.
Реклама хеҙмәте
8 (34739) 22354
Редакция
8 (34739) 22353
Ҡабул итеү бүлмәһе
8 (34739) 22353
Хеҙмәттәшлек
8 (34739) 22378
Кадрҙар бүлеге
8 (34739) 22354