Башҡортостан Башлығы Радий Хәбиров алдағы биш йылға республиканың социаль-иҡтисади үҫешенең стратегик йүнәлештәре тураһындағы указға ҡул ҡуйҙы, тип яҙғайныҡ. Социаль өлкәлә ҡуйылған төп бурыстарҙың береһе – республика халҡы һанын 4 млн. 100 мең кешегә ( хәҙер – 4 млн. 50 мең) еткереү.
Бының өсөн тәү сиратта тыуымды арттырыу, ә үлемде кәметеү мотлаҡ. Халыҡтың тәбиғи үҫешен көйләү, әлбиттә, медицина хеҙмәтләндереүенең сифатына ҡайтып ҡала. Ошонан сығып, алдағы биш йылда республикала 170 ФАП, 12 поликлиника, 2 бала табыу йорто төҙөү планлаштырыла.