Сүплектәр ябыласаҡ

Йыл башынан алып Өфө һәм Нефтекама хакимиәттәре 16 сүплекте ябыу эшен башланы. Әле 13 сүплек юҡҡа сыҡҡан, уларҙың туғыҙы – Өфөлә, дүртәүһе Нефтекамала урынлашҡайны.

Төбәк проекты нигеҙендә шулай уҡ экологик хәүефте тәшкил иткән өс объектты ябыу күҙаллана. Улар – Стәрлетамаҡ районындағы “Михайловка” сәнәғәт ҡалдыҡтары сүплеге, Баймаҡ районындағы Семеновка алтын сығарыу фабрикаһы һәм әүәлге “Өфөхимпром” предприятиеһы биләмәһендәге шлам туплағыстар.

2024 йылға тиклем сүп-сарҙы сорттарға айырыу буйынса 16 комплекс һәм ҡаты коммуналь ҡалдыҡтарҙы утилләштереү буйынса ике объект төҙөү ҡарала. Дыуан, Дүртөйлө, Яңауыл, Благовар райондарында сүп-сарҙы сорттарға айырыу буйынса дүрт комплексты берлектә финанслау программаһына ярашлы федераль ҡаҙнанан аҡса йәлеп итеп асыу, ҡалғандарын төбәк операторҙары тарафынан финанслау иҫәбенә төҙөү планлаштырыла.Башҡортостан гәзитенән.