Бөтә яңылыҡтар
Төрлөһөнән
24 Сентябрь 2019, 15:36

Бесәй балаһын ҡотҡарғандар

Күп ҡатлы йорттоң вентиляция шахтаһына нисектер бесәй балаһы барып эләгә һәм үҙаллы сыға алмай. Уның йән өҙгөс итеп ҡысҡырыуын ишетеп, ҡыҙ бала ярҙамға ашыға, тик төпкә үк төшкән йорт хайуанын сығара алмай.


Ҡыҙ ярҙамға ҡотҡарыусыларҙы саҡыра, улар тиҙ үк килеп тә етә һәм, шахтаны һүтеп, бесәй балаһын сығара. Ҡурҡҡан, асыҡҡан бесәй балаһын ҡыҙ үҙенә көтөргә ала. Шулай итеп берәүҙең бәхетһеҙлеге ике йәндең бәхетенә әйләнә.


“Баш ҡала ҡотҡарыусылары бәләгә тарыған хайуандарҙы ҡотҡарырға ла йыш йөрөй. Шулай ҙа бер үк ваҡытта кеше ғүмеренә лә хәүеф янағанда, өҫтөнлөк уға бирелә”, – тинеләр граждандарҙы яҡлау идаралығынан.Башҡортостан гәзитенән.
Читайте нас в