Ябай башҡорт егете Голливудты яулай

Таныш булығыҙ – Айҙар Миһранов. Ул сығышы менән Белорет ҡалаһынан. Бәләкәйҙән супермендар тураһында комикстар уҡып, Marvel кинокомпанияһының фильмдарын ҡарап үҫкән егет ундағы төп геройҙарҙың битлектәренә ҡыҙыға, интернет киңлектәрен буйлап, уларҙың ҡиммәт тороуын асыҡлағас, үҙе эшләп алырға ҡарар итә. Шулай итеп, иң тәүге ижад емеше “Ҡара пантера” киноһындағы супермендың битлеге пәйҙә була.

– Барыһы ла 2015 йылда башланды. Был ваҡыт арауығында ниҙәр генә булманы, үрләүҙәр ҙә, ҡолауҙар ҙа етерлек ине. Әммә һәр ваҡыт битлектәргә заказ биреүселәрҙең балаларса ихлас шатлығы алға барырға ярҙам итә. Рәсәй буйлап бөтөнләй эшләмәйбеҙ, башлыса битлектәрҙе АҠШ һәм Англиянан һатып алалар, – ти Айҙар.

Нимәһе иғтибарҙы йәлеп итә: егет эшләгән битлектәр бар донъяға билдәле Голливуд йондоҙҙарының үҙҙәренә барып етә. “Сорвиголова”нан Чарли Кокс, “Аквамен”дан Джейсон Момоа битлектәргә автографтарын ҡалдырып, улар менән фотоға төшһә, яңыраҡ Айҙар сираттағы уңышы менән ҡыуандырҙы: үҙе “Человек-паук”, йәғни Том Холанд Айҙар эшләгән битлекте тотоп, фотоға төшә!

Ябай, тыйнаҡ башҡорт егете өсөн сиктәр юҡ, уның битлектәре бар Голливудты, сит илдәрҙе яулай. Әйткәндәй, “Марвел” кеүек донъяуи кинокомпаниялар менән дә хеҙмәттәшлек итә Айҙар Миһранов, уларға фильмдар өсөн битлектәр әҙерләй.

Хыялдарын хыял итеп кенә ҡалмаған егеткә афариндан башҡа ни әйтәһең инде?!Башҡортостан гәзитенән.

Читайте нас:

Газета зарегистрирована (ПИ №ТУ 02-01461 от 05.10.2015 г.) в Управлении Федеральной службы по надзору в сфере связи, информационных технологий и массовых коммуникаций по Республике Башкортостан.

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Телефон

8 (34739) 22356

Электрон почта

[email protected]

Адресы

453830, Республика Башкортостан, c. Стерлибашево,ул. Карла Маркса, 102.

Реклама хеҙмәте

8 (34739) 22354

Редакция

8 (34739) 22353

Ҡабул итеү бүлмәһе

8 (34739) 22353

Хеҙмәттәшлек

8 (34739) 22378

Кадрҙар бүлеге

8 (34739) 22354