Стэрлебаш шишмэлере
+10 °С
Болотло
Бөтә яңылыҡтар
Төрлөһөнән
27 Август 2019, 13:33
Тәүҙә мәсхәрәләй, аҙаҡ һыуға ырғыта
Сочи ҡалаһында була был аяныслы хәл. Әзербайжан кешеһен биш йәшлек ҡыҙҙы көсләүҙә һәм үлтереүҙә ғәйепләйҙәр. Көньяҡ халҡы кешеһен 22 йылға хөкөм иткәндәр.
Асыҡланыуынса, 2018 йылдың 13 мартында ғәйепләнеүсе ир һөйәркәһенең биш йәшлек ҡыҙы менән фатирҙа була, ә әсә кеше ғәзизен һөйәренә ҡалдырып, был ваҡытта дауаханала дауалау курстары алған була. Ҡатындың өйҙә булмауынан файҙаланып, яуыз ниәтле ир кескәй ҡыҙҙы тәүҙә мәсхәрәләй, а һуңынан бер нисә тапҡыр күкрәгенә һәм эсенә ҡаты ғына итеп һуға. Үкенескә ҡаршы, ауыр тән йәрәхәттәренән ҡыҙ йән бирә. Туҡмағандан һуң, "ярҙамсыл" һәм "ҡәҙерле" ир бер нимә булмағандай, рәхәтләнеп йоҡларға ята. Иртән баланың тын алмауын күреп, ҡыҙҙы юл сумкаһына һала ла, йылға буйына юллана. Етмәһә, сумка эсенә таштар ҙа өҫтәй.
Ғәйепләнеүсе күршеләренә иһә ҡыҙҙың юғалыуын хәбәр итә, үҙе лә уны эҙләүҙә әүҙемлек күрһәтә. Тик аҙаҡ Кавказ кешеһе ғәйеп була. Енәйәтсене Адлер ҡалаһы ҡунаҡханаларының береһендә тоталар.
Суд ҡарары менән енәйәтсе 22 йылға хөкөм ителгән. Балаларығыҙҙы кемгәлер ҡалдырыр алдынан, уйлап эш итегеҙ, яуыз ниәтле булып ҡуймаһын тағы.
https://bash.rbsmi.ru/articles/y-m-i-t/t-m-skh-r-l-y-a-a-yu-a-yr-yta/
Читайте нас: