“Сихырыңды бөтөрәм, алтын бир”

Республика буйынса Эске эштәр министрлығынан хәбәр итеүҙәренсә, 47 йәшлек ҡатын янына “бағымсы” урам буйында килә һәм, һиндә сихыр бар, ти. Үҙе шунда уҡ уны “бөтөрөргә” булып китә. Беркеткес, йомортҡа һәм таҫтамал ярҙамында эш итә башлай. Бының өсөн аҡса һорай. Тик ҡатындың янында аҡсаһы булмағас, уға алтын алҡа менән балдағын сисеп бирә.

Алдаҡсы ҡатын ҡиммәтле биҙәүестәрҙе ҡулъяулыҡҡа төрөп ала һәм ике-өс көндән өйөнә килергә ҡуша. Тағы ла бер ай буйы был турала бер кемгә лә һөйләмәҫкә ҡуша.

Ваҡыт үтә, алданған ҡатын сихырсыға барып күрешергә тырыша, тик бер нисек тә килеп сыҡмай. Аптырағас, ул полицияға мөрәжәғәт итә.

Иғтибарлыраҡ булайыҡ, сихырсы-күрәҙәселәргә ышанмайыҡ.https://bash.rbsmi.ru/articles/y-m-i-t/sikhyry-dy-b-t-r-m-altyn-bir/