“Уолт Дисней”ҙа – башҡорт фильмы

Беҙ үҙебеҙҙе белә-белгәндән Башҡортостандың халыҡ шағиры Мостай Кәримдең “Беҙҙең өйҙөң йәме” китабын уҡып, Йәмил менән Оксана яҙмышы менән янып үҫтек. Мостай Кәрим исемендәге фондтан хәбәр итеүҙәренсә, Рәсәй режиссеры Александр Галибин ошо әҫәр буйынса “Һеңлекәш” (“Сестренка”) фильмын төшөргән. Уның премьераһы быйыл 19 сентябрҙә була. Кино Рәсәйҙең Мәҙәниәт министрлығы һәм Мостай Кәрим исемендәге фонд ярҙамында донъя күрәсәк. Операторы – данлыҡлы Михаил Агранович. Ә уны прокатҡа “Уолт Дисней” компанияһы сығарасаҡ.