Екатерина Карагланованы социаль селтәрҙәрҙә бьюти-блог алып барған, күп сәйәхәт иткән, тәьҫораттары менән бүлешкән, шул уҡ ваҡытта юғары белемле табип булырға әҙерләнгән шәхес итеп беләләр. Әле иһә уның бәйһеҙ енси тормош алып барыуы, бай ирҙәр менән фәҡәт аҡса өсөн енси осрашыуҙар ойоштороуы асыҡланған. Тап ошо шөғөлө уны һәләкәткә килтергән дә. Максим Гәрәев әйтеүенсә, былтыр ул Екатерина менән интернет аша танышып, енси осрашыуға килгән. Быйылғы осрашыу өсөн иһә ҡыҙ 50 мең һум аҡса һораған, уны “ярлы һәм йәмһеҙ” тип кәмһеткән. Тышҡы ҡиәфәтенән тартынған, уны ипкә килтереү өсөн косметик операциялар яһатҡан ирҙе был сығарынан-сығарған, шуға ла ул Екатеринаның ғүмерен ҡыйған, имеш. Әйткәндәй, мәрхүмә лә тап косметик операциялар ярҙамында ҡәҙимге ҡыҙҙан һылыуҡайға әйләнгәне мәғлүм.Башҡортостан гәзитенән.