Өфөгә өр-яңы 20 автобус һатып алдылар

Урал аръяғы райондарында автобус бәйләнеше тергеҙелә. «Башавтототранс» йәмғиәте ҡала-ара маршруттарҙы хеҙмәтләндереүгә өр яңы-20 автобус һатып алды. Быға тиклем автомобилдәр паркы иҫкереүе, пассажирҙарҙың кәмеүе сәбәпле, көньяҡ райондарға дәүләт предприятиеһы автобустары менән өҙөклөктәр бар ине. Хәҙер бындай етешһеҙлектәр булмаясаҡ. Яңы автобустар тәүге рейсҡа сыҡты ла инде. Транспорт асҡыстарын водителдәргә Радий Хәбиров тапшырҙы.

Өр-яңы Өфө-Учалы автобусы тәүге рейсҡа юллана. Билеттар һатылған, транспорт сараһы әҙер. 27 йыл буйы ошо маршрут буйынса пассажирҙар ташыған Шамил Шәфҡәт улы хәҙер нисәнсе автобус алыштырғанын да хәтерләмәй. Ләкин һуңғыһының бар яҡлап та иң камил булыуын яҡшы белә.

Республиканың көньяғына илткән билдәле маршрут һуңғы арала юғалып торғайны. Бәйләнештең яңыртылыуы байтаҡ район халҡы өсөн күптән көтөлгән ваҡиға.

Хәҙер дәүләт предприятиеһына юғалтҡан пассажирҙарҙы кире ҡайтарыу өсөн сәфәрҙе мөмкин тиклем уңайлы итеү мөһим. Яңы транспорт сараһы был талаптарға яуап бирә.

Бөлгөнлөккә төшөрөлгән «Башавтотранс» йәмғиәтен ҡайтанан аяҡҡа баҫтырыу бурысын Радий Хәбиров вазифаға тәғәйенләнгәс тә ҡуйҙы. Автомобилдәр паркын яңыртыу ҙа тап уның башланғысы. Транспорт сараһының йыһазландырылышы менән республика етәксеһе шәхсән танышты.

«Башавтотранс» предпиятиеһының автобустар паркы 61 процентҡа иҫкергән. 242 транспорт сараһының 40 проценты ун йылдан ашыу файҙаланыла. Һәм ниһайәт, яңырыу эше башланды. Бөгөн рейсҡа яңы 20 автобус сыҡһа, июль аҙағына тиклем тағы алты «Нефаз» маршрутҡа ҡуйыласаҡ. Яҡын киләсәктә иһә предприятие урта һәм ҙур класлы тағы өс йөҙҙән ашыу автобус алырға иҫәп тота.

Читайте нас:

Газета зарегистрирована (ПИ №ТУ 02-01461 от 05.10.2015 г.) в Управлении Федеральной службы по надзору в сфере связи, информационных технологий и массовых коммуникаций по Республике Башкортостан.

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Телефон

8 (34739) 22356

Электрон почта

[email protected]

Адресы

453830, Республика Башкортостан, c. Стерлибашево,ул. Карла Маркса, 102.

Реклама хеҙмәте

8 (34739) 22354

Редакция

8 (34739) 22353

Ҡабул итеү бүлмәһе

8 (34739) 22353

Хеҙмәттәшлек

8 (34739) 22378

Кадрҙар бүлеге

8 (34739) 22354