Тәҡдимдәр менән «Инвестиция сәғәте»нә

Шулай итеп, Стәрлебаш ауылынан Виктор Фролов тормош иптәше Ләйсән менән район үҙәгендә Матурлыҡ салоны төҙөргә теләүҙәре тураһында һөйләне. Улар хатта урын да ҡарап ҡуйған. Әммә әлеге участка күп ҡатлы йорт эргәһендә урынлашҡан һәм уны рәсмиләштергәндә бер аҙ ҡыйынлыҡтар булыуы мөмкин. Фроловтарға (һүрәттә) шунда уҡ альтернатив вариант тәҡдим ителде, уның буйынса урында уҡ әңгәмәләштеләр. Ҡайһылай булһа ла В.Фроловтың тәҡдиме иғтибарһыҙ ҡалмаясаҡ, район хакимиәте яғынан бөтә кәрәкле ярҙам күрһәтеләсәк.

Тағы ла бер бизнес-план менән Винарис Ғилманов уртаҡлашты. Ул күптән түгел генә көнбағыш майы етештереү менән шөғөлләнә башлаған. Тауар һорау менән файҙалана, шуға күрә эшҡыуар эшен киңәйтергә теләй. Бының өсөн уға көнбағышты һаҡлау өсөн бина кәрәк. Уға элекке икмәк ҡабул итеү пункты территорияһында урынлашҡан склад бинаһы тәҡдим ителде. Квадрат метр өсөн аренда хаҡы иҫкереү коэффициенты, эшмәкәрлек төрөнә ҡарап түләнәсәк (әлеге осраҡта ауыл хужалығы продукцияһын эшкәртеү). Киләсәктә бинаны һатып алыу мөмкинлеге бар.

Шулай уҡ уға кооператив бина ла тәҡдим ителде, был осраҡта Ауыл хужалығы министрлығынан матди ярҙам алырға мөмкин буласаҡ.

Эшҡыуарҙарҙың район территорияһында тормошҡа ашырырға планлаштырған барлыҡ тәҡдиме һәм мөрәжәғәте лә контролгә алынды.

Үҙ хәбәрсебеҙ. Ф.ЙОСОПОВА фотоһы.