-5 °С
Болотло
Бөтә яңылыҡтар
Төрлөһөнән
15 Март 2019, 11:23
Ышаныслы хеҙмәткәр
Илһам Ҡорманаев (һүрәттә), башҡа бик күп малайҙар кеүек үк, йыһансы булырға хыялланғандыр, моғайын. Ә мәктәпте тамамлағас ғәҙәти һөнәр һайлай - Салауат автомәктәбенә уҡырға инә. Һуңынан армияла хеҙмәт итә. Артабан, «Искра» колхозына ГАЗ, аҙаҡ ЗИЛ автомашинаһы водителе булып эшкә урынлаша. Бер ни тиклем ваҡыт Себерҙә эшләй. Уның водитель стажы 34 йыл тәшкил итә. Һуңғы бер нисә йылда «Жилищник» йәмғиәтендә ассенизатор машинаһы водителе булып эшләй.
Һөнәрен һорау менән файҙаланылмай тип иҫәпләмәй ул.
- Башҡа һөнәрҙәр кеүек үк, - ти ул. - Иң мөһиме, эш хаҡы түләһендәр. Ғаиләң, балаларың булғанда, ә уларҙы ашатырға, кейендерергә кәрәк, диванда ҡырын төшөп, һөнәрҙең яҡшыһын һәм таҙаһын һайлап ятып булмай.
Заявкалар көн дауамында ҡабул ителә. Ул күп фатирлы йорттарҙы, район үҙәге ойошмаларын хеҙмәтләндерә, ассенизатор машинаһы хеҙмәтенән шәхси йорт хужалары ла файҙалана. Бер һүҙ менән әйткәндә, эшһеҙ ултырырға тура килмәй.
И.Ҡорманаев көн һайын тыуған Тормай ауылынан йөрөп эшләй, унда улар тормош иптәше Айгөл менән өй һалып сығалар, ҙур хужалыҡтары бар. Өй эштәрендә уларға ҡыҙҙары ярҙам итә.
Илһам Миҙхәт улы - ышаныслы хеҙмәткәр, һәйбәт ғаилә башлығы, эшенә яуаплы ҡарай, шуға күрә уны коллективта ихтирам һәм хөрмәт итәләр.
Читайте нас:
© 2020-2024 Сайт издания "Стәрлебаш шишмәләре"
Газета зарегистрирована (ПИ №ТУ 02-01461 от 05.10.2015 г.) в Управлении Федеральной службы по надзору в сфере связи, информационных технологий и массовых коммуникаций по Республике Башкортостан.
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Телефон
8 (34739) 22356
Электрон почта
Адресы
453830, Республика Башкортостан, c. Стерлибашево,ул. Карла Маркса, 102.
Реклама хеҙмәте
8 (34739) 22354
Редакция
8 (34739) 22353
Ҡабул итеү бүлмәһе
8 (34739) 22353
Хеҙмәттәшлек
8 (34739) 22378
Кадрҙар бүлеге
8 (34739) 22354