Башҡортостанда үҫмер урамда газдан ағыуланып үлгән

Балаҡатай районының Балаҡатай ауылында уҙған аҙнала бер бала менән фажиғәле хәл теркәлгән. «Башинформ» агентлығына сығанаҡ хәбәр итеүенсә, урамда үҫмер һәм уның тиҫтерҙәре газ менән «шаярған». 14 йәшлек уҡыусы баллондағы газды еҫкәгән, һуңынан уның хәле насарайған. Үтеп барыусылар, балаларҙың дуҫын иҫенә килтерергә маташыуын күреп, ашығыс ярҙам саҡыртҡан. Урынға килеп еткән табиптар уҡыусының үлеме раҫлаған.