Бысраҡ үтекте нисек таҙартырға?

Кәрәкле режимға ҡуймай, синтетик кейемде үтекләп, үтегегеҙҙе бысраттығыҙ, ти. Түшәк кәрәк-яраҡтарын, аҡ күлдәктәрҙе бысраҡ үтек менән үтекләп булмаясаҡ. Нимә эшләргә? Үтекте таҙартыу өсөн ҡул аҫтындағы саралар: Теш пастаһы. Һыуыҡ үтеккә теш пастаһы һылағыҙ ҙа, таҙа сепрәк менән таҙартығыҙ. Һуңынан токка тығып, биш минут дауамында берәй туҡыманы үтекләгеҙ. Сода. Уға тигеҙ күләмдә һыу ҡушып, махсус пас­та яһағыҙ. Сепрәккә һалып, үтек табанын ышҡығыҙ. Һуңынан ҡыҙҙырып, парын ебәрегеҙ. Тоҙ. Таҫтамалға бер ҡалаҡ тоҙ һалығыҙ. Ул эрерәк булған һайын яҡшыраҡ. Үтекте ҡыҙҙырып, пар ебәреп, таҫтамалды үтекләгеҙ. Көйөп йә­бешкән туҡыма киҫәктәре тоҙға йәбешеп төшәсәк.