Бөгөнгө көндә район хакимиәте ветерандарға иғтибар һәм хәстәрлек күрһәтә, көнүҙәк проблемаларын хәл итергә булышлыҡ итә. Һәм бына яңы йыл алдынан район хакимиәте башлығы Ф.З.Туҡтаров Стәрлебаш ауылынан үҙенең 90 йәшлек юбилейын билдәләгән йөҙйәшәр Хәйрәт инәй Арыҫланованы ҡотланы.
Фәнүр Зөфәр улы юбилярға сәскә гөлләмәһе, рәхмәт һүҙҙәре менән бергә Рәсәй Президенты В.В.Путин исеменән Ҡотлау хаты, шулай уҡ иҫтәлекле бүләк һәм күстәнәс тапшырҙы. Бәхетле һәм ҡәнәғәт инәй, үҙ сиратында, ҡунаҡтарға иғтибар күрһәткәндәре өсөн рәхмәт әйтеп, уларҙы өҫтәл артына сәй эсергә саҡырҙы.