+1 °С
Болотло
Бөтә яңылыҡтар
Төрлөһөнән
23 Ноябрь 2018, 16:02
Бруцеллез - хәүефле сир
Рәсәй Федерацияһы Ауыл хужалығы министрлығының Ветеринария департаменты мәғлүмәттәре буйынса, ағымдағы йылдың ноябрендә илдә: Ҡарасәй-Черкес, Чечен Республикаларында, Краснодар, Алтай крайҙарында һәм Һарытау, Свердловск, Ырымбур өлкәләрендә 39 бруцеллез осрағы асыҡланған. 2014 йылда Башҡортостан Республикаһы Әлшәй районында килешеүһеҙ һәм оҙатыусы ветеринар документтарһыҙ Ҡалмыҡ Республикаһынан индерелгән эре малда бруцеллез асыҡланған.
Републиканың ветеринария идаралығы мәғлүмәттәре буйынса, ағымдағы йылдың ноябрендә Учалы районы Яңы Байрамғол һәм Урал ауылдарында, өс шәхси ярҙамсы хужалыҡ һәм бер крәҫтиән-фермер хужалығында Дәүләт ветеринар хеҙмәте менән килешеүһеҙ башҡа төбәктән малды санкцияланмаған рәүештә индереү һөҙөмтәһендә ваҡ мал һәм йылҡыла бруцеллез теркәлгән. Ошоға ярашлы, тейешле территорияларҙа сикләүсе саралар (карантин) иғлан ителде.
Бруцеллез - нерва һәм һөйәк тамыры системаларын, шулай уҡ һөйәк-быуын аппаратын зарарлаусы оҙайлы йоғошло сир. Уның менән йорт хайуандары (һарыҡ, кәзә, һыйыр, сусҡа) йыш сирләй. Бруцеллалар тирә-йүнгә сирле мал һөтө, бәүеле менән бүленеп сыға. Бруцеллез тыуҙырыусылар сирле мал итендә лә була.
Кеше сирле мал менән туранан-тура бәйләнешлек иткән, шулай уҡ уның һөтөн йәки итен ҡулланған осраҡта зарарлана.
Ошо сирҙе иҫкәртеү өсөн мал аҫраған кешеләргә: ауыл хужалығы малдарын ветеринар хеҙмәт рөхсәте булғанда ғына һатып алырға, һатырға, һуйырға тапшырырға, бер урындан икенсе урынға күсереп йөрөтөргә; малдарҙы мотлаҡ теркәргә (бирка һалырға), бруцеллез менән сирләүҙең барлыҡ осраҡтары (аборттар, быҙауҙың үлек килеш тыуыуы) тураһында ветеринар станцияһына хәбәр итергә кәрәк.
Бирка һалынған мал-тыуарға һалым түләтелмәй.
Район халҡын үтенеп һорайбыҙ һәм иҫкәртәбеҙ - мал-тыуарҙы оҙатыусы ветеринар документтарһыҙ һәм биркаһыҙ һатып алмағыҙ - был һеҙҙең һәм балаларығыҙҙың сәләмәтлегенә насар йоғонто яһауы менән хәүефле.
Читайте нас:
Газета зарегистрирована (ПИ №ТУ 02-01461 от 05.10.2015 г.) в Управлении Федеральной службы по надзору в сфере связи, информационных технологий и массовых коммуникаций по Республике Башкортостан.
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Телефон
8 (34739) 22356
Электрон почта
Адресы
453830, Республика Башкортостан, c. Стерлибашево,ул. Карла Маркса, 102.
Реклама хеҙмәте
8 (34739) 22354
Редакция
8 (34739) 22353
Ҡабул итеү бүлмәһе
8 (34739) 22353
Хеҙмәттәшлек
8 (34739) 22378
Кадрҙар бүлеге
8 (34739) 22354