+24 °С
Ямғыр
Төрлөһөнән
5 Октябрь 2018, 07:06
Иғтибар: конкурс!
Башҡортостан Республикаһы халҡы «Тыуған яҡ тәбиғәте» Бөтә Рәсәй балалар ижады һәм «Рәсәйҙең экологик урындары» фотоһүрәттәр конкурстарында ҡатнашырға саҡырыла.
Ағымдағы йылда конкурстар Ирекмәндәр йылына бағышланды. «Тыуған яҡ тәбиғәте» конкурсында ҡатнашырға 7 йәштән 18 йәшкә тиклемге балалар саҡырыла. Эштәр 15 сентябрҙән 15 ноябргә тиклем www.эко2018.рф сайтында электрон төрҙә ҡабул ителә. Еңеүселәр һәм призерҙар 1 декабрҙә иғлан ителәсәк. Бүләкләү 3 йәш категорияһында үткәреләсәк: 7-9 йәш, 10-14 йәш, 15-18 йәш. Конкурс балалар һәм үҫмерҙәрҙә экология мәсьәләләренә ҡыҙыҡһыныу уятыуға, үҫеп килеүсе быуында экологик мәҙәниәтте булдырыу, Рәсәйҙең тәбиғи мираҫын һаҡлап ҡалыуға йүнәлтелгән. Конкурс тураһында тулыраҡ мәғлүмәт менән сайтта танышырға мөмкин.
«Рәсәйҙең экологик урындары» фотоһүрәттәр конкурсында 7 йәштән 99 йәшкә тиклем барлыҡ теләүселәр саҡырыла. Эштәр шулай уҡ 15 сентябрҙән 15 ноябргә тиклем www.эко2018.рф сайтында электрон төрҙә ҡабул ителә. Конкурс эштәре тематикаһын: тыуған ерҙең тәбиғи хәлендә һаҡланған урындарын, яратҡан тәбиғи урындар, һаҡланған һәм һирәк осрай торған үҫемлектәр һәм хайуандар, тәбиғи һәйкәлдәр, экологик һәм ирекмәндәр саралары. Еңеүселәр һәм призерҙар шулай уҡ 1 декабрҙә иғлан ителәсәк.
