Комплекстар бурыслыларҙы асыҡлай

Шулай итеп, 2018 йыл башынан ошондай рейдтарҙа 600 тирәһе водитель тикшерелгән, 4 млн. 270 мең һумдан ашыу суммаға бурыс түләтелгән. Һөҙөмтәлә 145 үтәтеү эше ябылған. Шулай уҡ рейд барышында бурыслыларҙың 123 транспорт сараһына арест һалынған.

Билдәләп үтергә кәрәк, ошондай рейдтар граждандарҙы үҙ ирке менән һәм ваҡытында бурысын түләргә саҡыра, сөнки суд приставтары һәм ЮХХДИ хеҙмәткәрҙәре Рәсәй Федераль суд приставтары хеҙмәтенең БР буйынса идаралығының һәм дәүләт автоинспекцияһының рәсми сайттарында урынлашҡан үтәтеү эштәре мәғлүмәттәре банкы (http://r02.fssprus.ru/iss/ip) һәм «Штрафтарҙы тикшереү» (https://гибдд.рф/check/fines) кеүек онлайн-сервистар эшләүе, шулай уҡ мәғлүмәт алыу һәм бурыстарҙы ҡаплатыу өсөн Дәүләт хеҙмәттәренең берҙәм порталынан файҙаланыу мөмкинлеге тураһында транспорт саралары эйәләренең хәтеренә төшөрә.

Хәтерегеҙгә төшөрәбеҙ, «Юл приставы» аппарат-программа комплексы бурыслыларҙы һәм уларҙың мөлкәтен асыҡлау буйынса һөҙөмтәле ысул булып тора. Комплекс автотранспорт хәрәкәт иткән бер нисә һыҙатты сканерлай ала, ул транспорт араһында бурыслыларҙың ғына автомобилдәрен асыҡлай, был рейдты ойоштороусыларҙың ғына түгел, бурыстары булмаған граждандарҙың да ваҡытын экономияларға булышлыҡ итә. Аппарат төнгө ваҡытта ла эшләп, бурыслыларҙың автомобилдәрен билдәләй ала. Комплекс ямғырға, ҡарға сыҙамлы һәм түбән температура шарттарында ла эшләй. Транспорт сараларының теркәү билдәләре буйынса аппарат мәғлүмәт базаһы буйынса бурыслы граждандарҙы асыҡлай.

Башҡортостан Республикаһында комплекс 2013 йылдан ҡулланыла. «Юл приставы» аппарат-программа комплексы менән рейдтар беҙҙең районда ла яҡын арала үткәрелә башлаясаҡ.