Ағас эше оҫтаһы

Ғилемдар Кәримов (һүрәттә) - ошо көндәрҙә һөнәри байрамын билдәләгән кешеләрҙең береһе. Уның ғүмере тыуғандан алып урманға бәйле. Ул Бөрйән районында тыуып, Ишембай районында үҫкән. Бындағы тирә-яҡтағы урмандарҙың һәр һуҡмағын яҡшы белә. Армияға алынғанға тиклем ағас ҡырҡыусы булып эшләй, һуңынан - эшен дауам итә. Артабан егет ҡалаға китеп, заводҡа эшкә урынлаша. Төрлө хәл-шарттарға бәйле ул 2005 йылда Стәрлебашҡа күсенә. Бында ул евроремонт менән шөғөлләнә башлай, эш буйынса ҡалаларҙа ла йыш була. Әммә оҙаҡламай ул урман, ылыҫлы ағас еҫенән башҡа тормошон күҙ алдына ла килтерә алмауын аңлай. Бәхетенә күрә, шул ваҡытта Стәрлебаш участкаһының ағас эшкәртеү цехына станокта ағас киҫеүсе талап ителә.

Ике йылдан ашыу Ғилемдар Ғайсар улы пилорамда эшләй. Ошо ваҡыт эсендә ул хеҙмәттәштәре араһында хөрмәт яулап, үҙен яуаплы хеҙмәткәр булараҡ күрһәтә.

Ул урман продукцияһын эшкәртеү менән шөғөлләнә, һөҙөмтәлә етештерелгән пиломатериалдар ауыл халҡына һатыла. Эш күләме бәләкәй түгел, әммә төҙөлөш миҙгеле ваҡытында заказдар һаны күбәйһә лә, Ғ.Кәримов бар эште лә сифатлы, ентекле һәм ваҡытында башҡара.

- Эшебеҙҙә иң мөһиме - хәүефһеҙлек техникаһын үтәү, - тип иҫәпләй ул. - Шулай ғына бәхетһеҙлек осраҡтарына юл ҡуймаҫҡа мөмкин. Нимә тиһәң дә, таҫмалы пилорам - етди ҡоролма, эшсенән ныҡлы иғтибар һәм һаҡлыҡ талап ителә.

Ғилемдар Кәримов - үҙенсәлекле хеҙмәткәр. Ул станокта ағас киҫеүсе лә, ағас йығыусы ла, кәрәк булһа тракторға ултырып та эшләй ала, уның тракторсы-машинист таныҡлығы бар. Ул иҙән йәки башҡа төҙөлөш әйберҙәрен ниндәй ағастан эшләргә, ә ниндәйе бура өсөн тура килеүен һәйбәт белә. Бер ҡарауҙан бер бүрәнәнән нисә таҡта һәм ниндәй күләмдә сығасағын билдәләй ала. Бына ниндәй оҫта ул!

Бынан тыш, ул үҙ аллы ватылған урындарғы йүнәтеп, эш ҡоролмаһын ремонтлай. Башланған эште еренә еткерә. Бындай хеҙмәткәрҙәр - алтынға бәрәбәр.

Читайте нас:

Газета зарегистрирована (ПИ №ТУ 02-01461 от 05.10.2015 г.) в Управлении Федеральной службы по надзору в сфере связи, информационных технологий и массовых коммуникаций по Республике Башкортостан.

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Телефон

8 (34739) 22356

Электрон почта

[email protected]

Адресы

453830, Республика Башкортостан, c. Стерлибашево,ул. Карла Маркса, 102.

Реклама хеҙмәте

8 (34739) 22354

Редакция

8 (34739) 22353

Ҡабул итеү бүлмәһе

8 (34739) 22353

Хеҙмәттәшлек

8 (34739) 22378

Кадрҙар бүлеге

8 (34739) 22354