-4 °С
Болотло
Бөтә яңылыҡтар
Төрлөһөнән
7 Сентябрь 2018, 11:44
Бүләккә - китаптар
Ҡарағош ауыл модель китапханаһы ошо ауылда тыуып үҫкән, әле Өфө ҡалаһында йәшәгән һәм ғүмерен медицинаға бағышлаған Минзәлә Фәрхшатованан (һүрәттә) бик яҡшы бүләк алды. Ул ауылдаштарына 60тан ашыу төрлө жанрҙа китаптар: рус һәм сит ил әҙәбиәтен, татар яҙыусыларының әҫәрҙәрен, «Казан утлары» журналдарын тапшырып, китапхана фондын байытты.
- Үҙемде китапһыҙ күҙ алдына ла килтерә алмайым. Күптән һәм күп уҡыйым. Китаптың бер битен генә уҡымаһам да, көнөм бушҡа үткән кеүек. Ҡайҙа барһам да китапһыҙ ҡайтмайым. 30 йылға яҡын китап йыям. Күптән түгел кәштәлә генә ятмаҫ, ә мотлаҡ үҙ уҡыусыһын табыр тигән өмөт менән китапханаға китаптарҙың бер өлөшөн бүләк итергә ҡарар иттем, - ти ул.
Бүләк ителгән китаптар араһында - классиктар Фенимор Купер һәм Артур Конан Дойлдың тулы йыйылмалары, күп томлы «Яңы татар пьесаһы», өс томда «Татар халыҡ ижады» һ.б.
Минзәлә Нурулла ҡыҙы әйтеүенсә, татар яҙыусыларының ижады уға айырыуса оҡшай.
- Зөлфәт Хәким, Туфан һәм Роберт Миңнуллиндарҙың ижадына ғашиҡмын. Август айында шуларҙың һуңғыһының 70 йәшлек юбилейына бағышланған ижад кисәһендә булырға тура килде. Сара Илеш районында шағирҙың тыуған Шәммәт ауылында уҙҙы. Унан онотолғоһоҙ тәьҫораттар алып, шағирҙың автографы ҡуйылған китап менән ҡайттым.
Шулай итеп, Минзәлә Фәрхшатованың өй китапханаһы тулылана. Үҙе әйтеүенсә, яҡын киләсәктә ул Ҡарағош китапханаһына тағы бер нисә тиҫтә китап бүләк итергә уйлай.
Читайте нас:
© 2020-2024 Сайт издания "Стәрлебаш шишмәләре"
Газета зарегистрирована (ПИ №ТУ 02-01461 от 05.10.2015 г.) в Управлении Федеральной службы по надзору в сфере связи, информационных технологий и массовых коммуникаций по Республике Башкортостан.
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Телефон
8 (34739) 22356
Электрон почта
Адресы
453830, Республика Башкортостан, c. Стерлибашево,ул. Карла Маркса, 102.
Реклама хеҙмәте
8 (34739) 22354
Редакция
8 (34739) 22353
Ҡабул итеү бүлмәһе
8 (34739) 22353
Хеҙмәттәшлек
8 (34739) 22378
Кадрҙар бүлеге
8 (34739) 22354