Ағымдағы йылда тәҙрәләрҙе алмаштырыуға 391 мең һум аҡса бүленгән: 190 мең - республика һәм 201 мең һум - урындағы бюджеттан. «Стройинжиниринг» йәмғиәте хеҙмәткәрҙәре яңы быяла пакеттарҙы монтажлау эштәрен сифатлы һәм ваҡытында башҡарған. Хәҙер бинаның тышҡы һәм эске күренеше бөтөнләй ыңғай яҡҡа үҙгәрҙе. Оҫталар киң тәҙрә төптәре һәм таяуҙар ҡуйған. Яңы тәҙрәләр китапханаға тағы ла күберәк йәм өҫтәй, уҡыусылар өсөн уны яҡтыраҡ, иркенерәк күрһәтә.