Стәрлебаштар ҙур әүҙемлек күрһәтте

Йәкшәмбе көндө, 3 июндә, «Берҙәм Рәсәй» сәйәси партияһы ағымдағы йылдың көҙөндә үтәсәк һайлауҙа БР Дәүләт Йыйылышы-Ҡоролтайға кандидаттар билдәләү өсөн алдан тауыш биреү үткәрҙе. Алдан тауыш биреү көнөндә республикала 662 иҫәп участкаһы асыҡ булды. Уларҙа, дөйөм алғанда, Дәүләт Йыйылышы-Ҡоролтайға депутатлыҡҡа 584 кандидат ҡатнашты. Праймериз процедураһы ғәҙәти һайлауға оҡшаш. Үҙеңдең иҫәп участкаһына паспорт менән килеп, тауыш бирергә кәрәк ине. Быйыл «Берҙәм Рәсәй» партияһы беренсе тапҡыр Интернет аша тауыш биреү мөмкинлеге бирҙе. Онлайн рәүештә Башҡортостанда 14 892 кеше тауыш биргән. Был һөҙөмтә иҫәп участкалары протоколдары мәғлүмәттәренә ҡушыла.

Был көндө иртән беҙҙең районда ла билдәле ваҡытта - иртәнге сәғәт һигеҙҙә, барлыҡ алты иҫәп участкаһы асылды һәм һайлаусыларҙы ҡабул итә башланы. Ямғыр яуыуына ҡарамаҫтан, бында байрам мөхите хөкөм һөрҙө, музыка уйнаны, байрамса кейенгән кешеләр бер-береһен сәләмләне.

Район Мәҙәниәт йортонда урынлашҡан иҫәп участкаһында иртә менән халыҡ күп ине. Ғаиләләре менән килеүселәргә ҡарауы һөйөнөслө ине. «Беҙ һайлауҙы бер ваҡытта ла ҡалдырмайбыҙ, тиерлек. Яҙмышыбыҙ үҙебеҙҙең ҡулда. Тауыш бирергә килмәүселәрҙән кандидатҡа түгел, ә үҙебеҙгә насар буласаҡ.Әгәр беҙ киләсәгебеҙҙе ҡайғыртмаһаҡ, быны беҙҙең өсөн башҡалар эшләйәсәк», - тигән фекерен белдерҙеләр ирле-ҡатынлы Рима һәм Флорид Кәримовтар, бюллетендәрен йәшниккә төшөрөп (һүрәттә).

Тауыштарҙы һанау һөҙөмтәләре буйынса, алдан тауыш биреүҙә райондың дөйөм һайлаусылар һанынан 16,47 проценты ҡатнашҡан.

Лиана ЙӘРМИЕВА. А.ЗӘЙНЕТДИНОВ фотоһы.

Читайте нас:

Газета зарегистрирована (ПИ №ТУ 02-01461 от 05.10.2015 г.) в Управлении Федеральной службы по надзору в сфере связи, информационных технологий и массовых коммуникаций по Республике Башкортостан.

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Телефон

8 (34739) 22356

Электрон почта

[email protected]

Адресы

453830, Республика Башкортостан, c. Стерлибашево,ул. Карла Маркса, 102.

Реклама хеҙмәте

8 (34739) 22354

Редакция

8 (34739) 22353

Ҡабул итеү бүлмәһе

8 (34739) 22353

Хеҙмәттәшлек

8 (34739) 22378

Кадрҙар бүлеге

8 (34739) 22354