Тыуым, никах, айырылышыу...

Ағымдағы йылда, уҙған йылдағы кеүек үк, тыуған сабыйҙар һаны бер кимәлдә - 45 (45). Әммә, ҡыҙғанысҡа ҡаршы, 9 (5) сабый тулы булмаған ғаиләлә тыуған, улар әсәйҙәре тәрбиәһендә генә үҫәсәк. Ғаиләлә тәүге бала булып тыуыусылар ҙа кәмегән - 12 (15), әммә, ғаиләлә иҫәп буйынса икенсе булып тыуған сабыйҙар һаны артҡан - 20 (17), шулай уҡ өсөнсөләр ҙә - 15 (6). Дүртенселәре булып икәү, 2017 йылда дүртәү тыуған. Малайҙар уҙған йылдағы кеүек үк - 24 (24), ҡыҙҙар бер аҙға күберәк - 25 (21). Ни тиклем тырышһаҡ та, үлемде кәметеп булмай - 84 (81). Улар тыуымға ҡарағанда ике тапҡырға күберәк тиерлек. Уҙған йылдарға ҡарағанда ҡатын-ҡыҙҙар күберәк үлгән - 46 (37), ир-аттар - 38 (44). Үҙ-үҙеңә ҡул һалыуҙың бер осрағы теркәлгән.

20 (20) кеше никахҡа ингән. Шуларҙың 6 (8) ҡатын-ҡыҙҙың ауырға ҡалыу һәм 3 (1) осрағы - бала тыуыу сәбәпле. Айырылышыуҙар бик күп. Өс ай эсендә 10 пар (уҙған йылда ла шул уҡ күләмдә) айырылышҡан. Ә былар селпәрәмә килгән яҙмыштар, ғаилә тормошона һәм тормош иптәшеңә ышаныс юғалтыу, яңғыҙ әсәләр, атайһыҙ үҫкән сабыйҙар. 20 никах теркәү, 20 айырылышыу. Ни өсөн хәлдәр бик киҫкен тора? Бөтәһенә лә - тейешле хеҙмәттәргә һәм граждандарҙың үҙҙәренә уйланырға урын бар. Дөрөҫөн әйткәндә, хәлдәр бик насар, шуға ла ҡулдан килгәндең барыһын да эшләргә кәрәк.

***

Ағымдағы йылдың март айында 18 (21) сабый тыуған, 33 (26) кеше үлгән. 8 (6) пар никахҡа ингән, 7 (8) айырылышыу булған.

Рәйсә МУСИНА әҙерләне.