-13 °С
Болотло
Бөтә яңылыҡтар
Төрлөһөнән
11 Ғинуар 2018, 11:15
Минең телем - дуҫлыҡ теле
Туған тел – һәр халыҡтың быуындан-быуынға иң ҡәҙерле аманат итеп тапшырыла килгән аҫыл хазинаһы ла, мәңге тере тарихы ла. Ерҙә халыҡ йәшәй икән, теле лә йәшәй. «Телде үҫтергән – илде үҫтерер», – ти халыҡ мәҡәле. Халыҡтың рухи донъяһы, уй-хыялдары, тормош аҡылы һәм тарихи тәжрибәһе – быларҙың һәммәһен дә туған тел һаҡлай, фәкәт ул ғына һәр кемгә аңлайышлы итеп әйтеп бирә ала. 12 декабрҙә тотош республика буйынса «Минең телем - дуҫлыҡ теле» тип аталған республика акцияһы үтте.
Был көндө район биләмә-ара китапханаһында тотош райондан шиғыр уҡыусылар һәм музыканттар йыйылды. Рус, татар, башҡорт телдәрендә әҫәрҙәр яңғыраны. Балалар иң әүҙем ҡатнашыусылар булды. 2 һанлы Стәрлебаш урта мәктәбенең 7 «А» класы уҡыусыһы Артем Баһауетдинов Э.Асадовтың, 1-се Стәрлебаш урта мәктәбенең 6 «А»класы уҡыусыһы Гөлназ Мирхәшимова М.Кәримдең шиғырҙарын тасуири уҡып йыйылыусыларҙы һөйөндөрҙө. 1-се мәктәптең 7 «А» класы уҡыусыһы Рәил Ғәлимйәнов үҙе ижад иткән «Стәрлебашым» шиғырын уҡып ишеттерҙе. Ҡуғанаҡбаш ауылының 10 «Б» класы уҡыусыһы Эльвира Барадуллина Р.Ғамзатовтың шиғырын һөйләүҙән тыш, думбырала уйнап күрһәтте. Фото автор тарафынан бирелде.
Читайте нас:
Газета зарегистрирована (ПИ №ТУ 02-01461 от 05.10.2015 г.) в Управлении Федеральной службы по надзору в сфере связи, информационных технологий и массовых коммуникаций по Республике Башкортостан.
УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».
Телефон
8 (34739) 22356
Электрон почта
Адресы
453830, Республика Башкортостан, c. Стерлибашево,ул. Карла Маркса, 102.
Реклама хеҙмәте
8 (34739) 22354
Редакция
8 (34739) 22353
Ҡабул итеү бүлмәһе
8 (34739) 22353
Хеҙмәттәшлек
8 (34739) 22378
Кадрҙар бүлеге
8 (34739) 22354