Саңғы ярыштары үтте

Уҙған шәмбе көндө Сәләмәтлек һәм әүҙем оҙон ғүмерлелек йылына бағышланған район саңғы ярыштарында ҡатнашыусылар тап шуны күрһәтте. Тантаналы теҙелгәндән һуң, район хакимиәте башлығының социаль мәсьәләләр буйынса урынбаҫары вазифаһын башҡарыусы Ф.Ә.Шаһисолтанов ҡатнашыусыларға изге теләктәрен белдерҙе һәм 9-10 йәшлек иң бәләкәй ҡыҙҙар һәм малайҙар өсөн старт иғлан ителде. Команда буйынса йәш саңғысылар урындарынан бик шәп ҡуҙғалды. Саңғы ярышы мәлендә йығылыуҙар ҙа булды, әлбиттә, әммә улар шунда уҡ саңғыларына йәнә баҫып, алда барғандарҙы ҡыуып етергә тырышты. Улар стадионды әйләнеп килде. 2-се Стәрлебаш урта мәктәбенән Виктория Попова беренсе булып финиш һыҙығын үтте. Уның ваҡыты 5 минут 13 секунд. Икенсе призер Гөлназ Әхмәтованың (Тәтер-Арыҫлан ауылы) ваҡыты - 5 минут 29 секунд. Первомайский урта мәктәбенән Яна Мортазина өсөнсө булды. Был төркөмдә малайҙар араһында башланғыс мәктәптән йәш саңғысылар Араз Ғәлиев, Ирек Мусин, Динияр Мөрәсевтар барлыҡ призлы урындарҙы яуланы. Был исемдәрҙе хәтерегеҙҙә ҡалдырығыҙ, сөнки улар үҙҙәрен тағы күрһәтер әле, уларҙың бөтәһе лә алда.
Бына киләһе төркөмдә еңеүселәрҙең исемдәре, уларҙың күбеһен район спорт ярыштарында еңеүселәр исемлегендә күрәбеҙ, бихисап еңеүҙәр яулаған һәм яңынан-яңы наградалар яулауҙарын дауам итәләр. Эльвина Мөрәсева, Вероника Голубкина, Юля Хәйбуллина, Арсен Ҡадиров, Рәнис Ҡорбанов, Ремир Гелимов - район үҙәгенең ике урта мәктәбе вәкилдәре.
2006-2007 йылғы мәктәп уҡыусылары төркөмөндә лә ошо мәктәп уҡыусылары башҡаларҙан айырылды. Ике йәш саңғысы Арина Ғәлиева һәм София Мусина араһында ҡыҙыу ярыш барҙы, улар ярыш башында уҡ төп төркөмдән айырылып, тотош дистанция дауамында бер-береһе менән ярышты. Алтын миҙал яҙмышы финиш һыҙығында хәл ителде, София Аринанан бер аҙ алдараҡ килде. Барыһын да бер нисә секунд ҡына хәл итте. Балалар - үҫмерҙәр спорт мәктәбе тәрбиәләнеүсеһе Милена Ефремова өсөнсө урын яуланы. Үҫмерҙәр араһында Данил Афанасьев ҙур өҫтөнлөк менән финишҡа килде. Әйткәндәй, уның ағаһы Игнат был көндө Тимур Фәхриев менән ҡышҡы полиатлон буйынса республика ярыштарында ине. Пьедесталдың икенсе баҫҡысына шулай уҡ Эрнест Ҡадиров (1-се мәктәп) күтәрелде, Кирилл Павлов (2-се мәктәп) өсөнсө булды. Мәктәп уҡыусыларынан торған өлкән төркөмдә икенсе мәктәп уҡыусылары һәйбәт һөҙөмтә күрһәтте. Жанна Макарова һәм Рәнис Мусин беренсе урын яуланы, Данис Ҡорбанов икенсе булды. Әммә дөйөм команда зачетында улар еңеү яулай алманы, сөнки команданың башҡа вәкиле дистанциянан сыҡты. Еңеүселәр исемлегендә шулай уҡ: Светлана Денисова (Айҙарәле урта мәктәбе), Алина Халиҡова һәм Илназ Хәбибуллин (1-се мәктәптән).
Өлкәндәрҙән почет пьедесталына: Зөлфиә Ғилманова (Первомайский урта мәктәбе), Светлана Шәйхулова (Стәрлетамаҡ тармаҡ-ара колледжы), Светлана Мансурова, Алексей Афанасьев (коррекция мәктәп-интернаты вәкиле), Линар Рәхимҡолов (район хакимиәте), Илнур Әхмәтшин (үҙәк район дауаханаһы) күтәрелде. Ауыл биләмәләре араһында Динара Ибраһимова (Стәрлебаш ауыл биләмәһе), Ҡәҙриә Назарова (Хәлекәй ауыл биләмәһе), Айгөл Хәсәнова (Буҙат ауыл биләмәһе), Илвир Низаметдинов (Буҙат ауыл биләмәһе), Нәзир Мостафаев (Хәлекәй ауыл биләмәһе), Миҙхәт Сәҙриев (Стәрлебаш ауыл биләмәһе) иң яҡшы һөҙөмтә күрһәтте.
Ошондай спорт саралары, һис шикһеҙ, кәрәк. Сөнки улар сәләмәт йәшәү рәүешен пропагандалап ҡына ҡалмай, саңғы ярышын һөйөүселәрҙе берләштерә һәм ялды күңелле үткәрергә мөмкинлек бирә. Саңғы юлында киләһе осрашҡанға тиклем!

Фаягөл ЙОСОПОВА. Р.ЙӘҒӘФӘРОВ фотолары.